නව සංධානයේ මහ ලේකම් ලෙස අපේ ජ්‍යේෂ්ඨ නායකයෙක් වන රංජිත් මද්දුමබණ්ඩාර මහතාව නම් කරනවා.

0
73

අලුතින් හදන නව සංධානයේ මහලේකම් ලෙස රංජිත් මද්දුමබණ්ඩාර මහතා නම් කරන බව විපක්ෂ නායක සජිත් ප්‍රේමදාස මහතා අද(3)කීය.

ඒ ආසන සංවිධායකවරුන්ගේ හමුවක් පාර්ලිමේන්තුවේ කමිටු ශාලා අංක2දී  පැවති හමුවකදීය.

ඒ මහතා මෙසේද කීය.අපි දන්නවා පහුගිය දවස්වල එක එක විදිහේ මාධ්‍ය වාර්තා පලවුණා. සමහර වාර්තා අතේ පැලවෙන බේගල්.සමහර වාර්තා සම්පූර්ණයෙන්ම ප්ලාන්ට් කරපු නිර්මාණ .

මේ කිසි දේකට මම උත්තර දෙන්න ගියේ නෑ. ඇත්තටම ඒවා කිසියම් කල්ලියක් තමන්ගෙ පරාජයේ විලි වසා ගන්න භාවිතා කරපු පහත් පෙළේ විහිළු. ඒ විහිළුවලට උත්තර බදිනවට වඩා වැඩ අපිට තිබුණා .

එක පැත්තකින් මේ රට කොරෝනා අවධානමට මැදි වෙලා. එහෙම වෙලාවක දේශපාලන ගේම් වලටයි,ඒවා හරහා කරවන යටිකූට්ටු මාධ්‍ය මෙහෙයුම්වලටයි මම අවධානය යොමු කළේ නෑ.

“රෝමය ගිනිගත්තම වීනා වාදනය කරන වර්ගයේ නීරෝලා මෙහෙත් ඉන්නවා.ඒක අපිට කරන්න බෑ.

මොකද,දේශපාලන න්‍යාය පත්‍රවලට වඩා මිනිස්සුන්ගේ ජීවිත අපිට වටින නිසා.
නමුත්,මහජන ප්‍රසාදයක් නැති,මහජනයා අතරට යන්න බැරි සමහරුන්ට වෙන වැඩක් නෑ.ඒ අයට තියෙන එකම වැඩේ  දේශපාලන ගේම් ගහන එක.

ඒ තමයි ඒ උදවියගේ දේශපාලන ක්‍රමය. මගේ ක්‍රමය ඒක නෙවෙයි.

තමන්ගේ හිතෛෂී වන්තයෝ හරහා අසත්‍ය මාධ්‍ය ප්‍රචාර යවන්න ඒ අයට වෙලාව තියෙනවා .හැබැයි මේ රටේ ජනතාවගේ හද ගැස්ම මොකක්ද කියලා හිතන්න ඒ අයට වෙලාවක් නෑ.
අපි නිවැරදිම තීන්දුව නිවැරදිම වෙලාවේ හරියටම ගන්නවා.
පාර්ලිමේන්තුවේ නියෝජිතයින්ටත් වඩා ඔබතුමන්ලා ඉදිරියේ විශේෂ කාරණාවක් සිහිපත් කරන්න කැමතියි.
අපි හදන එක්සත් ජාතික පක්ෂය ප්‍රමුඛ නව සංධානයේ මහ ලේකම් ලෙස අපේ ජ්‍යේෂ්ඨ නායකයෙක් වන රංජිත් මද්දුමබණ්ඩාර මහතාව නම් කරනවා.

 

LEAVE A REPLY

Please enter your comment!
Please enter your name here