යහපාලන තේමා පාඨය වෙනස් වෙයි

අද(11) උදෑසන පැවැත් වු කැබිනට් තීරණ දැනුම් දීමේ මාධ්‍ය හමුවට එක්වෙමින් මාධ්‍යවේදීන් විසින් අසන ලද පැනයකට පිළිතුරු ලබා දුන් අමාත්‍ය රාජිත සේනාරත්න මහතා පැවසුවේ,

“එක නායකත්වයක්-එක රජයක්-එක වැඩපිළිවෙලක් ” යන තේමාව යටතේ යහපාලන ආණ්ඩුවේ ඉදිරි ගමන තීරණය කරන බවයි.

ජාතික වශයෙන් ප්‍රතිපත්තිමය තීන්දු තීරණ ගත හැකි රජයක් පිහිටු වීම තම අභිප්‍රාය බවත්, ඒ සඳහා අග්‍රාමාත්‍ය රනිල් වික්‍රමසිංහ මහතා බොහෝ කැපවීම් සිදු කළ බවත් අමාත්‍යවරයා මෙහිදී සඳහන් කළේ ය.

දේශපාලන පක්ෂ දෙවනුවත් තම මව්බිම පළමුවත් ලෙස සළකා කටයුතු කිරීම තම අරමුණ වන බව ද , ජාතික ආණ්ඩුවක් නිර්මාණය කළේ උදාර අරමුණකින් බව ද ඒ සඳහා බොහෝ කැප කිරීම් කළ බව ද තව දුරටත් පැවසී ය.
කෙසේ වෙතත් අද වන විට ජාතික ආණ්ඩු සංකල්පය රටට නොව දේශපාලඥයින්ට නොගැළපෙන තත්ත්වයට පත් කර ඇති බව ද අමාත්‍යරයා පවසයි.

LEAVE A REPLY

Please enter your comment!
Please enter your name here