බස්නාහිර සබේ උණුසුම් කල පොල් බෑ දෙක

0
640

බස්නාහිර පළාත් සභා මන්ත්‍රී උපාලි කොඩිකාර මහතා සභා ගැබට පොල් බෑ දෙකක් ගෙන ඒමෙන් අද(3) පැවැති සභා රැස්වීමේ දී උණුසුම් තත්ත්වයක් ඇති විය.

පොල් මිල ඉහළ යාම පිළිබඳව කතා කිරීම සඳහා කොඩිකාර මහතා මෙසේ පොල් බෑ දෙකක් සභා ගැබට ගෙනාවේය.

එසේ පොල් බෑ සභාවට ගෙන ඒමෙන් මැති ඇමැතිවරුන්ගේ ආරක්ෂාව පිළිබඳ ගැටලුවක් ඇති බව පවසමින් විපක්ෂයේ ප්‍රධාන සංවිධායක ජෝර්ජ් පෙරේරා මහතා සභා ගැබ මැද වාඩිවිය.  පොල් බෑ දෙක තමන්ට බාර දෙන්නැයි සභාපති සුනිල් විජේරත්න මහතා ඉල්ලා සිටිය ද කොඩිකාර මහතා එය ලබානොදුන් අතර ඔහුට සහාය වෙමින් සුනිල් ජයමිණ මන්ත්‍රීවරයා එක් පොල් බෑයක් මේසය යට සඟවණු දැකිය හැකි විය.

මල්ෂා කුමාරණතුංග මන්ත්‍රීවරිය පැමිණ එක් පොල් බෑයක් රැගෙන ඉවතට විසිකළ අතර වේත්‍රධාරියකු පැමිණ සඟවන ලද පොල් බෑයද සභා ගැබෙන් ඉවත් කරනු ලැබිණි.

සභාවේ ආරක්ෂාව පිළිබඳ මන්ත්‍රී ආරක්ෂක අංශය වගකිව යුතු බවත් ඒ පිළිබඳව අදාළ අංශවලට පැමිණිලි කරන බවත් මහ ඇමැති ඉසුර දේවප්‍රිය මහතා කියා සිටියේය.

LEAVE A REPLY

Please enter your comment!
Please enter your name here